ابڙو اڪيڊمي Abro Academy
2020-07-24
داخلا نمبر 666
عنوان جُهڏي ڪيناءِ
شاخ پکي
پڙهيو ويو 383
داخلا جو حوالو:
جُهڏي ڪيناءِ
جُهڏي ڪيناءِ
40 سينٽي ميٽر جسامت جي هن ڪيناءِ پکيءَ جا نر ماد هڪجهڙا ٿين ٿا. بالغ ۽ نابالغ پکين ۾ رنگ جو فرق ٿئي ٿو. انهن ۾ بهار يا اونهاري ۽ سياري ۾ به فرق ٿئي ٿو. سياري ۾ بالغ پکي لڳ ڀڳ سڄو ئي اڇو هوندو آهي، سواءِ سسيءَ جي جيڪا ڪاري هوندي آهي. پرن جي چوٽين تي وڏو اڇو ٽڪنڊو ۽ ڪن وٽ ڪارو نشان هوندو اٿس. پير بدڪ جهڙا ٿينس ٿا ۽ چهنب ڳاڙهي ڊگهي نوڪدار هوندي آهيس، جنهن جي نوڪ ڪاري هوندي آهي. جهڏيءَ جون ٽنگون ڳاڙهي رنگ جون ٿين ٿيون. نابالغ پکي هونئن ته بالغ پکيءَ جهڙو ئي هوندو آهي پر ان فرق سان ته پڇ جي پڇاڙيءَ ۾ ڪارو پٽو هوندو اٿس. بهار جي مند ۾ بالغ جهڏيءَ جي سِسي ناسي ڪاري، پُٺي ۽ پڇ اڇو هوندو آهي.
هي سياري جو مهمان آهي، هڪ ساحلي ڍونڍ خور پکي جيڪو خوراڪ لاءِ هر وقت ساحل تي پاڻيءَ تي پَـر پيو هڻندو آهي.